СУБОТИЦА – Центер за реґионализем, з потримовку и у сотруднїцтве зоз Hans Seidel фондацию порушал проєкт „ЕУ интеґрациї и питанє националних меншинох у Сербиї”, у рамикох хторого плановани три тематски округли столи.
Перши округли стол будзе отримани нєшка у Суботици, а рамики у хторих ше будзе бешедовац то демократска партиципация меншинох у Сербиї – проблеми, перспективи, ришеня. Тота тема вше актуалнєйша при припаднїкох националних меншинох хтори очекую же ше модели демократскей партиципациї меншинских заєднїцох дефиную у рамику приступних прегваркох Сербиї и ЕУ.
Значносц того сходу у тим же до ньго уключени представнїки державних орґанох, експерти и представнїки националних меншинох, а буду представени и модели ришованя тих питаньох у сушедних жемох.
На нєшкайшим сходзе буду присуствовац и представнїки Националного совиту Руснацох.