РУСКИ КЕРЕСТУР – Одбор за културу Националного совиту Руснацох на своєй схадзки отриманей 28. марца, розписал Конкурс за орґанизованє манифестацийох у обласци защити нєматериялного културного нашлїдства и уметнїцкей творчосци Руснацох у 2018. року, котри тирва по пияток, 20. април, у вкупней вредносци 1. 250,000 динари.
Предмет розписованя Конкурсу то софинансованє проєктох орґанизованя манифестацийох котри у Календаре репрезентативних манифестацийох Руснацох у 2018. року, а на нїм можу участвовац здруженя гражданох, установи и други орґанизациї.
Прияви ше подноша виключно на формулару хтори мож достац у просторийох Националного совиту Руснацох (Фрушкогорска 64, Руски Керестур), лєбо на сайту НС Руснацох на веб адреси www.rusini.rs, дзе ше находза и вецей информациї о самим Конкурсу.