НОВИ САД – Пияток, 18. септембра, на Филозофским факултету у Новим Саду, Марина Тодич, студентка студийней ґрупи Културолоґия, одбранєла дипломску роботу “Etnografske zbirke vojvođanskih Rusina kao prostor očuvanja kulturnog identiteta”. Менторка роботи була проф. др Ивана Живалєвич, а коменторка Мария Марич, предметни наставнїци на предмету Културне нашлїдство на студийних ґрупох История и Културолоґия.
Кандидатка бранєла дипломску роботу пред комисию доц. др Александер Мудри, предсидатель комисиї, доц. др Мария Марич, проф. др Ивана Живалєвич.
Комисия визначела вельке закладанє кандидатки, позарядову вредносц тей роботи чий резултат и факт же руска заєднїца достала дипломовану културолоґу заинтересовану за културне нашлїдство хтора зоз своїм професийним анґажманом годна допринєсц рускей заєднїци и очуваню єй културного скарбу.