РУСКИ КЕРЕСТУР – Здруженє гражданох „Пакт Рутенорум” всоботу, 19. септембра, орґанизовало треци по шоре Квиз общей култури, хтори отримани у просторийох дакедишнього „Клубу 10” (Русинска 75).
Свойо знанє зоз историї, тривиї, литератури, лоґики, спорту, ґеоґрафиї, музики и филмох и серийох могли превериц коло 50 учашнїки, односно приявени були аж 11 екипи, а найвекше число поенох мала екипа „Астра факс” зоз Червинки.
Змагали ше преважно млади зоз Руского Керестура, алє було и змагательох зоз околних местох та питаня були на сербским язику. Як визначели орґанизаторе таки случованя, попри змаганя, за циль маю и друженє, медзисобне повязованє и розвагу.
