Пред Фестивалом вистава малюнкох Андреи Палатинус

автор опс, фото вев
996 Опатрене

НОВИ САД – Пред 28 Фестивалом новей рускей народней шпиванки „Ружова заградка” у Голу Студия „М” була отворена вистава малюнкох младей уметнїци зоз Суботици Андреи Палатинус, чийо малюнки сцигли аж зоз Паризу.

Виставу отворела Ирина Гарди Ковачевич, хтора и на кратко представела виложени роботи, на хторих були части абстрактни мотиви, як и женски акт.

– Як дзецко кед ше през ярнє лїсце припатра на слунко, Палатинусова допущує шветлу най ше пребиє коло дробних жилкох през котри ше кармя клїтинки нїжней рошлїни. Капка розридзеней фарби на паперу, розлята по крокиу силуети особи цо ше будзи у раншим шветлу, або твари по котрей прави цинь, та вона постава тайомна. Мали етиди хтори нас волаю застановиц ше на хвильку у швидким ходу през преходносц – гварела Гарди Ковачевичова на отвераню вистави.

Палатинусова ше представела и на Нацоналним дню Руснацох, алє зоз менєй малюнками як вчера вечар. Виставу за тоту нагоду пририхтала Олґа Карлаварис, а вистава отворена без авторкового присуства.

vistava ruzova zahradka 2

ПОВЯЗАНИ ТЕКСТИ