КОЦУР – Вчера, 9. мая, Основна школа „Братство єдинство” преславела свойо швето –Дзень школи.
Програма почала ище вовторок, 8. мая, у Доме култури зоз музично-рецитаторску програму, а закончена є вчера зоз спортским дньом у Школи.
На початку програми директорка Школи Славица Байор привитала госцох и похвалєла школярох, наставнїкох и учительох котри у красним шветлє представяли коцурску школу и з тей нагоди им подаровала кнїжки.
По законченю програми колектив Школи предлужел друженє у Центре за физичну културу „Драґо Йовович “ у Вербаше.
Вчера, 9. мая, означованє Дня школи предлужене зоз спортскима активносцами, квизами и роботнями, та ше хлапци змагали у фодбалу, дзивчата у одбойки и у штафетних бавискох. За школярох котри мали иншаки интересованя були орґанизовани математични и язични квизи, подобова колония под назву „Маски през вики“ и роботня зоз рециклажних материялох.