Пририхтованя за преславу ювилею Водици

автор ртв
975 Опатрене

РУСКИ КЕРЕСТУР – У парохиї св. о. Миколая у Руским Керестуре тирваю пририхтованя за преславу велького ювилею – 200 рочнїци перших указаньох Мариї у Водици.     

Члени Церковного одбору, окреме тоти котри задлужени за отримованє Марийового святилїща, прешлого тижня почали ушорйовац простор коло церквочки у Водици, як и  у помоцних просторийох. Понеже церква од 2004. року нє була билєна, тоту роботу препущели фаховцом. Кед будзе часу и пенєжи, у плану и фарбенє облакох и уходних дзверох до церкви.

Шицки роботи би мали буц закончени по Русадля, понеже 6. юния, на Завитни дзень у Водици будзе централна преслава ювилею.

Попри визначних госцох з церковного живота и других, на преславу ювилею Керестурци обчекую и велїх госцох з нашого Еґзархату, алє и представительох базилики Шнїговей Мариї з Риму, зоз хтору наша Водица у заєднїци Марийових святилїщох цалого швета. 

ПОВЯЗАНИ ТЕКСТИ