КОЦУР – Вчера, 29. марца, руководство и фодбалере коцурскей „Искри” з добородзечну роботну акцию розчисцели шут зоз старих трибинох и повиберали цали цегли.
У акциї им помогли и роботнїки ЯКП „Комуналєц“ з Вербасу, котри з баґером зберали и кладли шут и глїну до камиона, а будовательни одпад одвежени на депонию на виходзе спрам Савиного Села.
У парку при „Искровим” стадионє почало и правенє терховнї у природи. Вчера вибетована плоча (19 з 9 метери) на хторей буду сучасни и модерни справи за вежбанє, а терховня би мала буц направена за пейц днї.
