РУСКИ КЕРЕСТУР – Барз нїзки температури, кед прешлого викенду вонка було и прейґ -10 ступнї С, дзепоєдни Рускокерестурци вихасновали за корчолянє на „Данчовей“ долїни.
Бавело ше и „дзиви“ гокей, дзе могли участвовац шицки ґенерациї – од дзецох по старших.
Як гварел наставнїк физичного воспитаня у керестурскей Школи „Петро Кузмяк“ Славко Пап, сезона корчоляня почала 9. децембра, а того викенду було треци раз же ше рекреативци зишли. Грубина ляду идеална, а понеже вонка моцни минус, нєт обаваня же пукнє.
Под час гокею варене и вино, з хторим ше спортисти после корчоляня зограли.