БАЧ/РУСКИ КЕРЕСТУР – Штирме Керестурци освоєли медалї на Отвореним першенстве Бачу, котре було отримане внєдзелю 3. юния.
На турниру у Бачу було вецей як трицец змагательох, а зоз Руского Керестура у предшколским возросту участвовал Мартин Пашо и завжал друге место, зоз трецей класи основней школи Иґор Фейди котри тиж освоєл друге место. Матей Сабадош освоєл друге место, а Сашо Шанта треце, обидвоме школяре шестей класи.
Першираз пионирох на змаганє водзел млади тренер Стефан Горняк. Як Рутенпрес дознава од нього, перши змаганя були досц напарти, алє познєйше, кед ше Русиновци одшмелєли, указали же знаю и вецей як цо то мож обачиц на тренинґох.