НОВИ САД – Прейґ склопеного Жежельового мосту прейґ Дунаю з Нового Саду до Петроварадину вчера, 22. октобра, першираз прешли подпредсидателька Влади Сербиї и министерка будовательства,транспорту и нфаструктури Зорана Михайлович, предсидатель Покраїнскей влади Иґор Мирович и шефДелеґациї Европскей униї у Сербиї амбасадор Сем Фабрици, з чим є отворени за пешакох.
Мост склопени пияток пополадню, односно составени луки на мосту зоз сримского и бачкого боку, а спомнути функционере ше з роботнїками и представителями окончовательох роботох вчера стретли на штред мосту и з тим символично означени нови преход прейґ Дунаю. Мирович з тей нагоди гварел же аж докпрейґ того мосту буду исц гайзибаниод Нового Саду до Беоґраду зоз швидкосцу од 120 километри на годзину и до Беоґраду ше будзе путовац штерацец минути, будзе ше видзиц значносц того проєкту.
Зорана Михайлович гварела же Жежельов мост злучує прешлосц и огромни простор за красну будучносц, як и же после осемнац рокох знова маме мост, хтори у фебруару будзе мац гайзибански драги, а о мешац-два и приступни драги.
Михайловичова додала же тот мост окреме значни за розвой Сербиї, понеже є часц проєкту модернизациї гайзибанскей драги Беоґрад-Будапешт, як и найзначнєйшого ґлобалного проєкту „Єден пас, єдна драга”
Амбасадор Сем Фабрици здогаднул же ЕУ за вибудов мосту дала донацию вредну 34 милиони еври. По його словох, мост важни за Сербию прето же є часц Коридору 10,хтори єден зоз значнєйших транспортних коридорох у тей часци Европи и часц є новей транспортней политики Сербиї у процесу придружованя ЕУ.
Мирович, Михайловичова и Фабрици подзековали роботнїком котри у закончуюцих фазох робели и у вецей зменох, а подзелєли им и символични дарунки.
