Средства документарней емисиї о академикови Канюхови

автор бва
1.1k Опатрене

БЕОҐРАД – Конкурсна комисия, формована на основи ришеня Министерства державней управи и локалней самоуправи, котра спроводзи поступок додзельованя средствох зоз Буджетского фонду за национални меншини у 2018. року, отримала 2. авґуста схадзку и утвердзела Лїстину вреднованя и ранґованя приявених програмох и проєктох на Конкурсу за додзельованє средствох за програми и проєкти зоз обласци информованя на язикох националних меншинох. 

По перших резултатох прешли 77 проєкти, 76 катеґоризовани як други ранґирни проєкти, а 10 прияви нє сполнєли условия конкурсу.

Медзи приявенима проєктами були и два зоз рускей заєднїци.

Новинарскей асоцияциї Руснацох (НАР) зоз Нового Саду потримани проєкт документарней ТВ-емисиї „Академик Владимир Канюх – 90 роки живота и роботи” зоз 300 000 динарами.

Културно-просвитне дружтво Руснацох и Українцох „Карпати” з Вербасу конкуровало зоз романом академика Юлияна Тамаша „Тиски цвет”, котри на 480 бокох ма источашнє три язични верзиї по руски, сербски и анґлийски, алє бул катеґоризовани медзи другима ранґирнима проєктами.

Конкурс средствох зоз Буджетского фонду за национални меншини розписани у маю, а Министерство державней управи и локалней самоуправи за проєкти того року видвоєло аж 21,8 милиони динари.

Право пригварки мали шицки учашнїки на конкурсу по 5. авґуст, а Одлуку о розподзельованю средствох зоз Фонду приноши министер у року од 30 дньох од утвердзованя лїстини, односно по 3. септембер.

ПОВЯЗАНИ ТЕКСТИ