ЖАБЕЛЬ – У шицких штирох населєньох Општини Жабель того мешаца на найфреквентнєйших местох стари автобуски станїци за путнїкох заменєни з новима, сучаснима, соларнима станїцами.
Шицки станїци исти – полня ше з помоцу соларних панелох котри ше находза на верху конструкциї, маю бездротову интернет мрежу (ви-фи), систему видео-надпатраня, приключки за полнєнє мобилних телефонох и автоматске поволованє у случаю вандалского справованя.
Проєкт финансує Покраїнски секретарият за енерґию, будовательство и транспорт з коло 4 милиони динарами, а Општина Жабель з коло 900 тисячи динарами.