СТАРА ПАЗОВА/РУСКИ КЕРЕСТУР – На Бачким зонским змаганю за младши катеґориї – когуцики, пионирох и надїї у каратеу, отриманим нєдзелю 25. фебруара, успих зазначели и спортисти Карате клубу „Русин”.
У катеґориї надїйох змагал ше Ґлориян Штранґар, котри освоєл перше место и у катох, и у борбох. Тиж, перше место у истей катеґориї у борбох освоєл и Андрей Дудаш. У катеґориї пионирох змагали ше Мирко Малацко, Иван Медєши и Иґор Фейди, котрим ше на тот завод нє удало освоїц медалю.
Покраїнске змаганє у каратеу будзе отримане 11. марца у Индїї, а буду участвовац и спортисти з Карате клубу „Русин”.