НОВИ САД – Нєшка на 19,30 годзин, у юнийскей емисиї за дзеци „Дзецински швет” патраче годни упознац керестурских школярох хтори посциги успих на змаганю „Цо знаш о транспорту” и Михайла Рацпетия, добитнїка значних наградох на державних и медзинародних змаганьох з Керестура, а зазначенє и як було на Стретнуцу предшколских дзецох у Новим Садзе.
У першей часци емисиї „Добри вечар, Войводино”, котра почнє такох на 20 годзин, патраче вецей дознаю о Фестивалу дзецинскей творчосци Руснацох Войводини „Веселинка”, а до студия придзе народна посланїца Олена Папуґа хтора нєдавно менована за предсидательку Роботней ґрупи за права националних меншинох Народней скупштини Сербиї.
У трецей часци будзе емитована часц Фестивалу хорского шпиваня хтори отримани прешлого тижня у Вербаше, а за конєц емисиї планована кратша драгописна репортажа зоз Бриселу и Брижу у Белґиї.
По емисиї „Добри вечар, Войводино” на 21,30 г. будзе реприза нєдзельового ТВ Маґазину, док реприза нєшкайшей емисиї такой на ютре (пияток) вноци на 2 и дополадня на 9 годзин.