НОВИ САД – У першей часци емисиї „Добри вечар, Войводино” од госцох у студию патраче дознаю як будзе конципована и хтори основни циль трибини под назву „Час препороду: Руснаци и стварянє Кральовини Сербох, Горватох и Словенцох, односно Югославиї” хтора будзе отримана 19. юния у Културним центру Нового Саду.
У другей часци емисиї будзе емитовани знїмок зоз 17. Фестивалу дзецинскей творчосци Руснацох у Войводини „Веселинка”, а будзе и репортажа зоз госцованя делеґациї вецей институцийох и орґанизацийох зоз Руского Керестура у Земплинскей Теплици у Словацкей.
По емисиї „Добри вечар, Войводино” на 21,30 г. будзе реприза нєдзельового ТВ Маґазину, док реприза нєшкайшей емисиї такой на ютре (пияток) вноци на 2 и дополадня на 9 годзин.