НОВИ САД – Нєшкайша емисия „Добри вечар, Войводино” будзе пошвецена пририхтованьом за Крачун и обичайом хтори провадза тото вельке християнске швето.
Часц крачунских обичайох у Сриме, та и у старим краю, дакус специфичнєйши, цо патраче увидза у репортажи о наши братох Горнякох, односно жительох Бикичу у Сриме.
Треца часц емисиї бешедує о продукциї вина – напою без хторого нє мож задумац анї єдно обисце хторе слави народзенє Исуса Христа.
По емисиї „Добри вечар, Войводино” на 21,30 г. будзе реприза нєдзельового ТВ Маґазину, док реприза нєшкайшей емисиї такой на ютре (пияток) вноци на 2 и дополадня на 9 годзин.