РУСКИ КЕРЕСТУР – Штредня школа „Петро Кузмяк” од 24. по 26. марец будзе домашня Стретнуцу штреднїх школох УНЕСКО-клубох Сербиї, а на Стретнуце поволани представителє 15 школох.
Стретнуце будзе отворене 24. марца на 18 годзин, на нїм будзе участвовац и предсидателька Федерациї УНЕСКО-клубох Сербиї Милица Дромнякович, а попри роботней часци, учашнїки у Керестуре нащивя Замок и музейну збирку, за нїх буду виложени сувенири Здруженя женох „Байка”, пририхтани традицийни руски єдла, як и поетски вечар у Школи.
Рускокерестурска Школа „Петро Кузмяк”, як перша з Войводини, член УНЕСКО- клубох школох од 2011. року.