РУСКИ КЕРЕСТУР – На ютре, 9. мая, Катедрална церква св. оца Миколая у Руским Керестуре преслави храмове швето – Кирбай, на дзень премесценя мощох св. Миколая з Мири у Малей Азиї до Барию у Италиї.
Нєшка пред Кирбайом Вечарша Служба Божа з Молебеном до Богородици будзе на 18 годзин, а на 19 годзин Всеночне.
На сам Кирбай Ранша Служба Божа будзе на 8, а Архиєрейска, хтору будзе предводзиц наш владика Георгий Джуджар з домашнїма священїками, на 10 годзин. По Служби будзе одпустови обход з читаньом євангелийох.
Кажди рок на Кирбай до Керестура приходза и велї госци з наших местох и околїска, а Кирбай провадзи и велька вашарска часц и рижни бависка за розвагу дзецох и младих, цо почало уж у дньох викенду.