НОВИ САД – Новосадски литературни фестивал „Розгварки о любови (ґу читаню)” на ютре, 25. мая, представи нови роман академика Юлияна Тамаша „Рика Мономах, мерач посмертного часу”.
Промоция Тамашового роману на ютре будзе на 20 годзин на ладї „Цепелин”, а у розгварки о тим дїлу участвую редакторка др Радмила Ґикич-Петрович, литературна критичарка Ксения Катанич, домашнї Фестивалу Дьордє Рандель, як и сам автор Юлиян Тамаш.
У музичней часци промоциї участвує Хор „Гармония” з Нового Саду.