КОЦУР – Вчера, 1. априла, у рамикох 19. кола Подручней лиґи Суботица, „Искра“ зоз Коцура на домашнїм терену дочекала екипу ФК „Сента“ зоз истоменого места и победзела зоз резултатом 1:0. Ґол за „Искру“ дал Душан Ваяґич.
После 19 одбавених колох „Искра“ на першим месце на таблїчки зоз 40 освоєнима бодами.
У шлїдуюцим колє, котре будзе позарядове и будзе одбавене на стреду, „Искра“ будзе бавиц у Панониї дзе ю дочека екипа „Панония ИМ Тополя“.
У Подручней лиґи Суботица ФК „Суботица“ виступел зоз першенства, та ше боди и ґоли котри освоєни процив тей екипи нє рахую.