КСЕНИЯ ВАРҐА народзена 2. фебруара 1950. року у Руским Керестуре. Ґимназию закончела у Вербаше. Дипломовала у Новим Садзе на Филозофским факултету, на ґрупи за русийски язик и литературу (1974). Як наставнїк руского и русийского язика робела у оддзелєньох Ґимназиї „Петро Кузмяк” по 2011. рок. Од 1977. року участвовала у реализованю учебнїкох за язик и литературу, а за педаґоґийну роботу у обласци руского язика и литератури достала награду „Гавриїла Надя” (2007). Од початку свойого професийного анґажованя афирмовала литературну творчосц школярох прейґ секцийох и часописох на руским язику „Заградка” и „Дзвончок”, як и мултиязични виданя „Сто млади таланти заходнобачкого округу 2009” (Пожаревац, 2010). Свойо роботи обявює у „Заградки” од 1998. року, а на литературним конкурсу истого часопису, за приповедку „Други бок рики”, достала першу награду (2008).
З „Керестурским калеидоскопом” першираз ше зявює зоз приповедками за старших.