БЕОҐРАД – Чолни особи двох синдикатох котри у штрайку и министер просвити Срдян Вербич вчера ше нє догварели о вимогох присвитних роботнїкох, та протест у школох, хотри уходзи до пиятого мешацу, будзе предлужени.
Вербич на схадзки з предсидательом Униї синдикатох просвитних роботнїкох Драґаном Матиєвичом и подпредсидательом Синдикатох роботнїкох у просвити Сербиї Милорадом Античом гварел же пре аранжман з ММФ нє може сполнїц условия хтори просвитни роботнїки поставяю пре злєпшанє їх материялнеого положеня.
Мартиєвич и Антич знова вимагали ґаранциї и точни датуми кеди и як Влада виплаци єдну плацу, а розгварка з министром була под час вчерайшого ширшого протесту просвитних роботнїкох з вецей местох у Беоґрадзе, медзи нїма були и просвитни роботнїки з Кули. Представителє синдикатох виражели же им жаль пре инцидент у хторим под час протесту министер Вербич обляти з воду.