ШИД – У предостатнїм, дзешатим колє у Општинскей фодбалскей лиґи Шид, фодбалере ОФК Бикич поражени од Омладинцу зоз 4:1 на госцованю у Батровцох.
ОФК Бачинци победзели Борец зоз 4:1 на госцованю у Илинцох, шидска Єднота дома страцела од Синдєличу тиж зоз 4:1, а фодбалере Сримцу з Беркасова були шлєбодни.
И попри пораженя, ОФК Бикич и далєй перши з 25 бодами, а ОФК Бинґула друга з 24 бодами и з можлївосцу же на концу полусезони будзе перша, кед у остатнїм колє у Беркасове победзи Сримец.
ОФК Бачинци на штвартим месце зоз 16 бодами, Єднота седма ма 12, а остатнї, єденасти Сримец ма лєм бод.
На нєдзелю, у остатнїм, 11. колє єшеньскей часци першенства, ОФК Бикич шлєбодни, ОФК Бачинци дочекує Омладинєц, Сримец бави процив ОФК Бинґула, а Гранїчар дочекує Єдноту.