Буджет Нового Саду 19,9 милиярди динари

автор 021/сен
797 Опатрене

НОВИ САД – Пондзелок, 29. децембра, зашедала Скупшина Городу Нови Сад, а медзи 86 точками дньового шору найважнєйша була розправа и прилапйованє буджету за 2015. рок.

Буджет Городу за идуци рок будзе 19,9 милиярди динари, цо за 28 одсто менєй як тогорочни.

За инвестициї у 2015. року предвидзени 24 одсто цалосного буджету, алє, як наглашене, ґу тому треба раховац и средства наменєни за капитални инвестициї у програмох явних комуналних подприємствох и городских установох, та виходзи же за инвестициї буду видвоєни 30 одсто цалосних средствох.

Попри о буджету, одборнїки розправяли и о програмох дїлованя городских явних комуналних подприємствох, предложених инвестицийох тих подприємствох, як и о вецей як 80 темох вязаних за Город Нови Сад.

ПОВЯЗАНИ ТЕКСТИ