ШИД – У Лєтнєй владическей резиденциї од 16. по 19. юний отримани рочни Духовни вежби за священїкох Апостолского еґзархату за грекокатолїкох у Сербиї, хтори предводзел владика Георгий Джуджар.
Преподаваня з осем рижних темох отримал римокатолїцки священїк др Йосип Враньчич, професор на Богословским факултету у Дякове, а присуствовала векшина наших священїкох.