НОВИ САД – Подпредсидатель Покраїнскей влади Мирослав Васин виявел вчера же Войводина и на далєй мотор розвою цалей Сербиї „и попри тим же Републична влада уж три роки однїма компетенциї и средства АП Войводини.
Як ше гвари у сообщеню Васина, шицки економски и привредни указателє шведоча же Войводина инфраструктурно, административно и привредно найрозвитша часц Сербиї, з оглядом же витворює вредносц бруто домашнього продукту понад републичним просеком. З 20 найрозвитших општинох у Сербиї аж 11 з Войводини, спомедзи 44-ох винїмково нєдостаточно розвитих єдинкох локалних самоуправох, лєм єдна з Войводини, а на лїстини девастованих општинох нєт анї єдней з Войводини.
– Од цалосного вивозу голєм трецина з Войводини и на териториї Войводини ше витворює штреднє 50 одсто шицких иножемних инвестицийох. Скоро 70 одсто шицких средствох з иножемнох ґрантох и кредитох хасную институциї и подприємства з Войводини – гвари Весин.