КУЛА – Вчера, на Перши дзень Пасхи, Воскресна утриня и перша Литурґия з благословом пасхалного єдзеня була на 5 годзин рано, як то традиция у грекокатоїцкей парохиї св. Йосафата у Кули. Друга була на 10 годзин, а служели домашнї священїки, монахи василиянє – парох о. Виталий Лотоцки и капелан о. Платон Салак.
На 9 годзин парох Лотоцки Воскресну Службу Божу служел у Крущичу, дзе тиж пошвецел и паски и дзе було красне число вирних. На шицких Службох читана и Вельконоцна винчованка владики Георгия.
Нєшка, на Други дзень Велькей ноци, у церкви у Кули Служби Божо буду на 9 и на 18 годзин, а по Раншей Служби члени домашнього КУД „Иван Сенюк” отримаю традицийну програму з нагоди того швета.