КУЛА – У грекокатолїцкей парохиї св. Йосафата у Кули вчера, на Други дзень Велькей ноци, по Служби Божей на 9 годзин члени домашнього українского КУД „Иван Сенюк” традицийно виведли пригодну програму з нагоди Пасхи. Того року парох о. Виталий Лотоцки шицким учашнїком на концу програми подзелєл пригодни дарунки.
Вельконоцне мированє у Кули преложене на Томову нєдзелю, 19. априла по юлиянским календаре, а того дня кулски парохиянє пойду и на теметов, дзе на 17 годзин будзе Воскресни парастос за шицких покойних, як и благослов поєдинєчних гробох парохиянох котри ше упокоєли прешлого року.
