НОВИ САД – Скупштина Городу Нови Сад пондзелок, 11. юлия, меновала нових окончовательох длужносци директорох у явних подприємствох и установох – „Городске желєнїдло“, „Драга“, „Информатика“, СПЦ Войводина, „Водовод и канализация“, „Тржница”, Установи за виробок таписерийох „Ателє 61“, Апатикарскей установи „Нови Сад“, Заводу за защиту памятнїкох култури Нового Саду и Аґенциї „Стан“.
На схадзки вибрани и коло 200 члени скупштинских совитох и комисийох, та члени надпатраюцих и управних одборох дзепоєдних установох. У тей часци схадзки скоро нє було розправи, понеже и опозиция гласала за понукнути ришеня.
Нова схадзка Скупштини Городу будзе на пияток, а на дньовим шоре прилапйованє закончуюцого рахунку за 2015. рок, як и звити о роботи городских подприємствох и установох.