ШИД – После вецейгодзиновей и полемичней розправи, одборнїки владаюцей коалициї у Скупштини општини (СО) Шид, вчера вигласали перше ребаланс буджету за 2014. рок, хтори тераз виноши 953 милиони динари, у чечуцей буджетней резерви 12,5 милиони, а у стаємней штири милиони динари.
Прилїв до буджету за 2015. рок плановани на милиярду 95 милиони 200 000 динари, з хторих 17 милиони у чечуцей, а штири милиони динари у стаємней резерви.
СО Шид вигласала и Одлуку о витворйованю правох у обласци социялней защити у општини, як и провадзаци одлуки за запровадзованє референдумох о нових месних самодоприносох у Ердевику и Бинґули, у фебруаре 2015. року.
Одборнїки тиж меновали и Комисию за виробок Рочней програми защити, ушореня и хаснованя польопривредней жеми, як и Комисию за запровадзованє поступку лицитованя за даванє державней жеми под аренду.