Вишла марцовска „Заградка”

автор рим
968 Опатрене

НОВИ САД – Рамики нового, марцовского числа „Заградки” украшую дзеци на осмомарцовских програмох у Руским Керестуре, Коцуре, Дюрдьове и у Сримскей Митровици, а вецей о тих шветочносцох мож пречитац на 2. и 18. боку „Заградки”. Часопис понука и кратши информациї о означованю Дня залюбених, як и о преслави Дня школи „Светозар Милетич”, дзе участвовали и школяре котри там пестую руски язик.

З писнями и приповедками у новей „Заградки” представени писателє Василь Мудри, Штефан Гудак, Силвестер Макаї, Штефан Чакан, Серафина Макаї, Ирина Гарди Ковачевич и Яким Олеяр. Рубрика „Облачок до швета” понука пречитац нову кнїжку Любивоя Ршумовича „Видовити приповедки”.

У додатку за наймладших нова, шмишна приповедка з гришочками, як и рисунки дзецох з наших дзецинских заградкох, а школяре на своїх бокох пишу о жимских бавискох, о приходу яри, о домашнїх любимцох и о гусарох. Їх состави и малюнки у тим чишлє обявени аж на трох бокох.

И нова „Заградка” ма стаємни рубрики, як цо то „Вериш? Нє вериш?”, а награду за состав написани чисто по руски, без гришки, достала Корнелия Будински, школярка трецей класи ОШ з Руского Керестура.

ПОВЯЗАНИ ТЕКСТИ