РУСКИ КЕРЕСТУР – Керестурска парохия тих дньох обявела двочисло християнского часопису „Дзвони” (4-5) за април и май, а пошвецене є актуалним вирским темом и подїйом у наших парохийох у тих мешацох.
Рубрика „Духовне заренко” преглїбює швето Сошествиє св. Духа-Русадля, у рубрики „Стереотипи” спатрени „Дзень побиди, чи пораженя”, а у „Слову живота” понукнуте євангелске виреченє „Марто, Марто, лєм єдно потребне…”.
У 7. предлуженю написох з нагоди 20-рокох Каритасу ошвицени „Оцове нашого Каритасу – о. Янко Копчаї и владика Дионизий Няради”, у рубрики „Приклади” призначене о „Паски у знаку любови спрам ближнїх” у Митровици и Беоґрадзе, док у рубрики „Представяме” представени Йоаким Грубеня з Нового Саду.
У нових „Дзвонох” и други стандардни рубрики и додаток „Богословска думка”.