БЕОҐРАД – Влада Сербиї штварток, 9. априла прилапела Предлог закона о учебнїкох, з чиїм применьованьом, як ше обчекує, буду створени условия за значне злєпшанє квалитету учебнїкох у школох у Сербиї, сообщене з Влади.
З тим предлогом закона запровадзує ше нови катеґориї учебнїкох, поєдноставює ше процедури при одоброваню учебнїкох и ушорює процес финансованя и софинансованя учебнїкох.
З применьованьом того закона отвори ше можлївосц за швидше усоглашованє учебнїкох з науковима, технїчно-технолоґийнима и дружтвенима пременками и за злєпшанє квалитету настави, насампредз у фахових школох.
У фахових школох, до хторих ходзи 75 одсто школярскей популациї, вельке число учебнїкох походзи ище з дзеведзешатих рокох и практично су нє за хаснованє.