Владика у Кули на Други дзень Пасхи

автор маф
1.5k Опатрене

КУЛА – Дзень Христовей шмерци на Крижу – Вельки пияток – вчера означени и у грекокатолїцкей парохиї священомученїка Йосафата у Кули, а нєшка, на Вельку соботу, вирни приходза до церкви помодлїц ше ґу Хрстовому гробу.

Вчера на 15 годзин домашнї парох и капелан о. Виталий Лотоцки ЧСВВ и о. Платон Салак ЧСВВ служели Вечурню з покладаньом плащанїци, а попри красного числа вирних, на Вечурнї присуствовали и виронаучни дзеци, з виручительку ш. Марию.

На ютре, на Вельку ноц, рано на 5 годзин у кулскей прохиї будзе Воскресна утриня, Служба Божа и перше пошвецанє кошаркох з пасхалним єдзеньом, а потим и у Служби на 10 годзин.

У филияли кулскей парохиї у Крущичу, Вельконоцна Служба и повецанє паскох ютре будзе на 9 годзин.

6-Kula-02

На Други дзень Пасхи Служба Божа на 9 годзин будзе Архиєрейска, понеже ю будзе предводзиц преосвящени владика Герогий Джуджар. Вечарша Служба будзе на 18 годзин.

Ютре по Раншей Служби будзе и традицийни Вельконоцни концерт у церкви, хтори пририхтую члени КУД „Иван Сенюк”.

Служби у кулскей парохиї исто буду и на на Треци дзень Велькей ноци.

6-Kula-03

ПОВЯЗАНИ ТЕКСТИ