НОВИ САД – У перших трох мешацох того року у Нови Сад нащивели коло 28 350 туристи, цо за пиятину вецей як у истим чаше 2015. року, сообщела Туристична орґанизация Нового Саду.
Найвецей иножемних туристох було з Турскей, Русиї, Нємецкей, Французкей, Шпаниї и Горватскей, а було их и з Виєтнаму, Либану, Южноафрицкей Републики и Тайланду.
Од януара по марец у Новим Садзе ноцовали 64 775 туристи, цо за 40 одсто вецей як у истим периодзе влонї. Найвецей ноцовали госци з иножемства, а число ноцованьох иножемних туристох ше звекшало за 54,9 одсто у одношеню на 2015. Процент домашнїх туристох хтори ноцовали у Новим Садзе бул за 17,7 одсто векше як влонї.
Понеже нєшка почина 83. Медзинародни польопривредни саям, готели и други обєкти за ноцованє надосц пополнєти.