КОЦУР – После того як всоботу участвовали на турнире у одбойки у Руским Керестуре, госци зоз Свиднїку, зоз Словацкей и з Ужгороду, з України, вчера нащивели Коцур.
Госци у Коцуре нащивели Етно-клуб „Одняте од забуца” и грекокатолїцку церкву Успения пресвятей Богородици, а потим на стадионє процив „Искри” одбавели приятельске фодбалске змаганє, хторе закончене з побиду домашнїх зоз 6:5.
По змаганю друженє предлужене на „Пелетовим салашу”, а полудзенок обезпечел поднїматель Неделько Тутнєвич.
