УЖГОРОД – Як пише портал Голос Карпат, Хрестовоздвиженски катедрални грекокатолїцки собор (церква) претендує на здобуванє статусу културного памятнїка. З молбу же би потримал тот процес, владика Милан Шапик ше обрацел ґу городскому началнїкови Богданови Андриєвови.
Вони тото питанє представели на заєднїцкей прес-конференциї, дзе владика винєсол же ше з молбу же би ше собор и резиденцию унєсло до списку обєктох под защиту держави ище 2010. року обрацел Министерству култури, алє резултату нє було.
Як поведзене, покля собор нє здобудзе тот статус, нє мож го унєсц анї до културного нашлїдства УНЕСКО-а, виявели епископ Мукачевскей гракокатолїцкей епархиї владика Милан Шапик и ужгородски городоначалнїк Богдан Андриїв.