Дарунки наших ґимназиялцох дзецом без родичох

автор маф
861 Опатрене

РУСКИ КЕРЕСТУР/ЗОМБОР – У рамикох гуманитарней акциї, представителє першей класи руского оддзелєня Ґимназиї „Петро Кузмяк” стреду, 25. новембра, нащивели Дом за дзеци и младих без родительского стараня „Мирослав Мика Антич” у Зомборе.

Шесцеро школяре з руского оддзелєня, директорка Школи Хелена Пашо Павлович, професорка-класни старшина Наталия Будински и професор класней настави Славко Надь однєсли шейсц шкатули з дарунками хтори назберали на мини-концерту у Школи у Дзецинским тижню. Уходнїца за концерт була бависко, лєбо даяке облєчиво. Попри спомнутого, подаровали и руски кнїжки, а прейґ брошури Руского Керестура, з валалом и Школу „Петро Кузмяк” домашнїх упознала директорка Пашо Павлович.

 Воспитаче и бивателє Дому у Зомборе их барз крашнє привитали, а ушлїдзело и друженє зоз шпиванку, хтору предводзели керестурски ґимназиялци з провадзеньом на ґитарох.

ПОВЯЗАНИ ТЕКСТИ