КРИНЇЦА/КРАКОВ (ПОЛЬСКА) – У Кринїци, у Польскей, на соботу, 31. януара, будзе означена 20-рочнїца роботи Музею Никифора – найпознатшого лемковского подобового уметнїка Епифана Дровняка, у швеце познатого под псевдонимом Никифор. У рамикох вецей програмох з нагоди рочнїци будзе отворена и вистава найвизначнєйших Никифорових роботох.
Идуцого мешаца, 12. фебруара, у Музею сучасней култури у Кракове будзе отворена вистава з назву „Никифори” – на хторей буду виложени роботи троїх уметнїкох з Польскей инспировани з творами Никифора, лєбо його животом и роботу.
Так, у Кракове буду викладац Алина Давидович, у уметнїцким швеце волана и Никифор у кабату, Едвард Двурник, познати польски „никифориста” и Марек Краус, котри ше подписує и як Никифор Варшавски.