КУЛА – Державни секретар у Министерстве младежи и спорту Влади Републики Сербиї Предраґ Перуничич и заменїк предсидателя Општини Кула Велибор Милоїчич штварток, 24. марца, у Кули отримали роботну схадзку зоз спортскима роботнїками и представителями спортских клубох з кулскей општини.
Бешедуюци о новим закону о спорту, Перуничич визначел же здравствени препатрунки за дзеци од 6 до 14 роки буду безплатни, а висина членарини за малолїтних нє може буц векша од 10 одсто штреднєй плаци у держави. Додал же клуби хтори наплацую членарину нє буду мац право на финансованє и софинансованє з општинских буджетох, як и же анї єдна спортска орґанизация нє може достац вецей як 20 одсто цалосного буджету опредзелєного за спорт.
Милоїчич на схадзки бешедовал о актуалних укладаньох до спорту и спортскей инфраструктури у кулскей општини, а потим госц и домашнї нащивели Червинку, дзе, медзи иншим, Предраґ Перуничич уручел и 40 рукометни и фодбалски лабди спортским клубом з Червинки и Сивцу.