НОВИ САД – Дружтво Словенцох „Кредарица” з Нового Саду треци раз орґанизує манифестацию Днї словенскей култури, привреди и туризму, хтора почала стреду, 27. мая, а тирва по ютре, 30. май.
На манифестациї ше представяю културни дружтва, хори, фолклорни ансамбли и поєдинци зоз Словениї, Босни и Герцеґовини и з Нового Саду, у престижних културних салох у Новим Садзе.
Нєшка и ютре у Католїцкей порти (на отвореним) будзе богата културна програма и представянє словенского туризму и привреди.
Централне збуванє Дньох словенскей култури будзе нєшкайша Стаємна инвестицийна конференция у Городскей хижи, на хторей представителє општинох зоз Словениї, туристичних и привредних орґанизацийох заинтересованих за прейґгранїчне сотруднїцтво и инвестованє буду бешедовац з представителями Новосадянами з привреди, туризму и култури. Покровитель Конференциї Город Нови Сад.