РУСКИ КЕРЕСТУР – У мигелю пензионованого майстра колєсара Михала Надя у Руским Керестуре, руска редакция РТВ Войводини вчера предлужела знїманє документарного материялу о старих и вимартих ремеслох керестурских майстрох.
Наша редакция прилапела идею спомнутого Надя и його даскельо колеґох же би ше зняло документарни филм о колєсарским, ковальским, штранґарским и других уж вимартих, лєбо новому часу прилагодзених ремеслох.
И з тим подняцом стари ремесла на одредзени способ буду зачувани од забуца, а майстрове дзепоєдни роботни операциї у своїх ремеслох прикажу и на тогорочним Керестурским сайме под час Фестивалу рускей култури „Червена ружа”.