Дописовательство РТВ и у Вербаше

автор зам
1.1k Опатрене

ВЕРБАС – Пред даскельо мешацами у Вербаше почало з роботу Дописовательство Радио-телевизиї Войводини, хторе задлужене и за провадзенє збуваньох у кулскей општини, а у Дописовательстве РТВ, векшином за єй Першу програму, прилоги на сербским язику пририхтую режисер Милутин Влахович, знїмателє Борис Биленький и Боян Цветкович, монтажер Марин Реслер и новинарка Александра Лендєр, котра рихта прилоги и за емисиї РТВ по руски.

Дописовательство змесцене у центре Вербасу, дзе за потреби редакциї закупени квартель и запровадзена линкова вяза з матичним студийом. У емисийох „Дньовнїк 1“, „Войводянски дньовнїк“, „Ранша програма“ и „През Войводину“, алє и на габох радия РТВ мешачно ше емитує коло трицец прилоги з Вербасу и Кули, а пред двома тижнями екипа ше перши раз до програми РТВ уключела и „на живо“.

Попри Вербасу и Кули, у планє же би Дописовательство провадзело и збуваня у општинох Мали Идьош и Србобран, накадзи за тото буду обезпечени потребни технїчни и материялни ресурси.

ПОВЯЗАНИ ТЕКСТИ