КОЦУР – Искра з Коцура Вчера бавела змаганє 8. кола у Медзиопштинскей лиґи Бачка Тополя-Мали Идьош-Верба-Бечей процив ФК Побиди з истоменого места и зазначела ище єдну прешвечлїву побиду, бо Коцурци победзели аж зоз 8:1.
Ґоли за Искру дали Дамян Ґубаш 4, Дарко Николич 2, а Зоран Сердар и Неманя Шкорич по єден.
Искра тераз перша на таблїчки, понеже Войводина з Бачкого Ґрадишта победзела Обилич зоз Змаєва. Искра тераз ма 19, а Обилич 18 боди.
На нєдзелю будзе познати ешеньски шампион, понеже у остатнїм колє у Змаєве бавя праве Обилич и Искра. Змаганє почина на 15 годзин.