БЕОҐРАД – Влада Сербиї одобрела подрагшанє драгарини за 10 одсто, преноши Бета. Цену ше нє меняло од 2008. року, а директор „Драгох Сербиї” Зоран Дробняк гварел же драги у Сербиї добри у одношеню на стандард держави, а же би ше их ”приведло до шора”, треба уложиц три до штири милиярди еври.
– Ми худобна держава, нє маме пенєжи укладац до драгох. Вони найвецей вредза у Сербиї, вєдно штири милиярди еври. Горватска ше задлужела и уложела 14 милиярди еври пре туризем, а нам потребне уложиц ище три-штири милиярди еври – гварел Дробняк.
Вон винєсол и податок же „Драги Сербиї”, хтори отримую 15 000 километери драгох, у минусу 100 милиони еври.