КОЦУР – Дзецински фолклорни ансамбли КУД „Жатва” и КУД „Завичайно врело” з Коцура всоботу, 11. юлия пополадню отворели други дзень Фестивалу фолклорних традицйох Руснацох и других националних заєднїцох „Коцурска жатва 2015”. Координаторе тей провадзацей програми були Жалько Фаркаш и Славко Вулин.
Дзеци пооблєкани до народних облєчивох ше перше прешпацирали по центре Коцура, а на чолє дефилеу були три дзивки облєчени до руского, сербского и мадярского облєчива, котри ношели дзень пред тим пошвецени хлєб з нового зарна жита.
На початку програми дзивки хлєб придали предсидательови Совиту Месней заєднїци Коцур Желькови Бєланови, а вон го потим придал помоцнїци предсидателя Општини Вербас Ксениї Бенце.
Ушлїдзели наступи младших фолклорних ґрупох КУД „Завичайне врело” и „Жатва”, як и старшей фолклорней ґрупи КУД „Завичайне врело”. Наступи танєчнїкох провадзели числени родичи и публика.
Вецей фотоґрафиї на правим боку нашого сайту у окремней ґалериї з Фестивалу „Коцурска жатва 205”.
