НОВИ САД – На шветочносци Атлетского клубу „Войводина” того викенду у Новим Садзе, тот клуб треци рок за шором преглашени за найлєпши клуб у Сербиї, а його найвизначнєйшим представительом додзелєни припознаня.
За найлєпшу сениорку и члена Клубу преглашена репрезентативка у скаканю до далєка Ивана Шпанович, котра того року у Цириху постала вицешампионка Европи, на Шветовим першенстве у завартим Польскей була треца, а поставела и нови державни рекорди – у сали 6, 92 метери, а на отвореним 6, 88 метери.
Пре операцию, Михаил Дудаш ше того року нє змагал на найвекших спортских змаганьох, медзитим достал припознанє за промоцию атлетики и Атлетского клубу „Войводина”. За найлєпшого сениора преглашени Милош Чович.
По думаню Атлетского союзу Сербиї, „Войводина” ма и найлєпшого фаховца у Сербиї – Ґорана Обрадовича – котри ше стара о форми Шпановичовей.