Екскурзия Керестурцох до Шиду

автор влдї
1.5k Опатрене

ШИД –  Члени Здруженя ремеселнїкох и приватних поднїмательох з Руского Керестура, з членми фамелийох вчера, 15. мая, нащивели Шид, у рамикох окремней туристичней екскурзиї хтору орґанизовало Здруженє. У нащиви були коло 50 Керестурци рижних ґенерацийох.

Керестурци перше нащивели Лєтню владическу резиденцию, дзе их привитал парох о. Михайло Режак, а понеже каждого 15. у мешацу у Шидзе вашар, заинтересовани були и на вашаре.

Парох о. Режак госцом указал будинок резиденциї – од пиньвици по пойд, виложел кратки историят того будинку и дотерашню обнову, як и плани за дальши роботи на його адаптованю. Госци нащивели и пиньвицу з вином, хторе и коштовали.

Домашнїм на госцопримстве подзековал предсидатель керестурского Здруженя Владимир Емейди, наглашуюци же праве таки нащиви нагода за лєпше упознаванє Руснацох з Бачкей и зоз Сриму, як и же ше прейґ розвою привреди и туризму доприноши и розвою нашей култури.

9-Ekskurzija-02

ПОВЯЗАНИ ТЕКСТИ