БЕОҐРАД – Министерство просвити обвисцело родичох дзецох котри ше уписую до першей класи основней школи же услуга „Интересованє за упис до основней школи” окрем по сербски, од вчера доступна и на язикох националних меншинох, преноши сайт Радио-телевизиї Войводини.
У тей хвильки за упис дзецка до першей класи основней школи нє важне вибрац язик на котрим будзе слухац наставу, алє ше родичи, вшелїяк, муша приявиц вибраней школи прейґ порталу Е-управа.
На тот способ школи годни евидентовац заинтересованосц родичох же би дзецко уписали до одредзеней школи и буду мац податки яке число школярох можу обчековац. Шицки родичи котри буду хасновац тоту услугу буду обвисцени о датуму упису до основней школи док тот датум будзе дефиновани.
Преклад на язики националних меншинох обезпечели Покраїнски секретарият за образованє и национални совити националних меншинох.